2016 වසරේ අග්‍ර‍ගණ්‍ය ස්මාර්ට් දුරකථන

2016 වසරේ අග්‍ර‍ගණ්‍ය ස්මාර්ට් දුරකථන

     2015 වර්ෂය නව #smartphones නිකුතු සමග තේජසින් බැබලෙද්දී තාක්‍ෂණයට කැමති ඔබ තවදුරටත් 2015 අවසාන දින කිහිපය/2016 ආරම්භය තුළ අවධානයෙන් සිටීම වැදගත්. මොකද නම්දැරූ සමාගම්වල  2016 වසරේ නවතම ස්මාර්ට් දුරකථන සමග වෙළඳපොළ දෙදරනු නියතයි. ඉතින් ඔබ නවතම ස්මාර්ට් දුරකථනයක් මිළදීගැනීමට බලාපොරොත්තු වෙනවානම් 2015 4වන කාර්තුව සහ 2016 පළමු කාර්තුව තෙක් මඳක් ඉවසීම නුවණට හුරුයි.

කටකතා අනුව නව #smartphones නිකුතු එම කාලය තුළදී නවතම පෙරළියක් කරන බව දැනගන්නට ලැබෙනවා. මේවා එළිදැක්වීමත් සමගම වෙනදා මෙන් ම මාර්ගගත වෙළඳසල් වන Ebay, alibaba ආදියේ ඒවා ලබාගත හැකිවේවි. එසේම ලංකාව තුළ ජනප්‍රිය සහ ප්‍රධාන වෙළඳසල් වන Amazon, flipkart, Kaymu, takas ආදී බොහොමයක  2016 සඳහා වන ස්මාර්ට් දුරකථන ලබාගත හැකියි.

ඔබට තීරණය ගන්නට පහසු වන්නට අපි නිකුත් වීමට ආසන්න දුරකථන කීපයක විස්තර කියන්නම්. ඒ අනුව මෙතෙක් නිකුත්වී නොමැති Apple, HTC, Nexus, Samsung හා Sony ආදී දුරකථන සමාගම්වල මීළග දුරකථන පිළිබඳව ඔබට දැනගන්නට ලැබේවි.

   1.     Samsung Galaxy S7 හා Galaxy Samsung S7 Edge

මේ වසරේ, Samsung Galaxy S6 සමග විශාල කීර්තියක් ලබාගත්තා. ඒ අනුව මීළග දුරකථනය ඉතා ප්‍ර‍බල එකක් වනු නොඅනුමානයි. දැනගන්නට ලැබෙන පරිදි Samsung Galaxy S7 දුරකථනය 2015 වර්ෂයේ පළමු කාර්තුවේදී විශේෂ උත්සවයකදී නිකුත් කිරීමට නියමිත අතර එය සති දෙකත්-හතරත් අතර වෙළඳපොළට ලබාදෙන බව දැනගන්නට ලැබෙනවා. එසේම අපට Galaxy Samsung Edge S7 ද Samsung Galaxy S7 සමග දකින්නට ලැබේවි.

ඒවායේ  5.2“,  5.8“ තිර ද s6හි තිබූ 1.5GHz Octa-core ප්‍රොසෙසරයට වඩා ඉතා වේගවත් 2.9-GHz Octa-core processorය, 4GB RAM ධාරිතාවක් හා අභ්‍යන්තර ධාරිතාව 16GB, 32GB, 64 GB හා 124 GB වලින් මේවා සමන්විත වෙනවා. පෙර පරිදිම එකක් සමතල තිරයකින් ද අනෙක නැවුණු තිරයකින් ද යුතුයි. කැමරාව 30MP හා ඉදිරියේ 7 MP සමග අගනා ඡායාරූප ගෙනදේවි. එහි නවතම Android 6.0 Marshmallow මෙහෙයුම් පද්ධතිය යෙදවෙන අතර USB type- C ආරෝපණ/දත්ත port එකක් හා Qualcomm Snapdragon 820 හෝ Exynos 8890 processorයකින් සමන්විත වනු ඇති. මේ සියල්ල සමග 2016 වසරේ දැවැන්තයා මෙය වීම පුදුමයක් නොවේ.

   2.     Nexus 5X

Nexus 5X අනිවාර්යයෙන් ම ඔබේ නවතම දුරකථනය ලෙස තෝරාගැනීමට සුදුසුයි. Nexus 6 පොඩි ප්‍ර‍ශ්ණ කීපයක් සමග අසාර්ථක වුවත් Google නවතම Nexus 5X හා Nexus 6P සමග සාර්ථකත්වයට පැමිණෙනවා. මෙය LG සමාගම නිපදවන අතර 5.2“full HD තිරයක්, පෙර එකට වඩා වේගවත් Qualcomm Snapdragon 808 processorය, පසුපස 12.3 හා ඉදිරියේ 5MP කැමරා, 2GB RAM මතකය, 16-32 GB අභ්‍යන්තර ධාරිතාව, USB Type-C port එක, පසුපස fingerprint ස්කෑනරය හා ඉදිරිපස ස්පීකරයකින් යුතුයි. Android 6.0 Marshmallow මෙහෙයුම් පද්ධතිය හා බරින් සැහැල්ලු බව නිසා 2016 සඳහා මෙය හොඳ තරගකරුවෙක්.

   3.     HTC One M10

HTC සමාගම One series එක සඳහා නම් දරා සිටිමින් One M9 සමග 2015 වසර බැබැලූවා. දැන් 2015 අවසාන කාර්තුවේදී HTC One M10 තිබෙනවා. පුළුල්, දීප්තිමත් තිරය, වේගවත් Snapdragon 810 හෝ 820 processorය, 2-3GB RAM ධාරිතාව, ලෝහ රාමුව හා ඉදිරිපස විශාල ස්පීකර දෙකකින් ද යුතුයි.

   4.     Sony Xperia Z5

Sony Xperia Z3+ දුරකථන සමග තාක්‍ෂණය සඳහා නව ස්ථාවරයන් බිහිවූවා. නවතම Sony Xepria Z 5 සමගින් Sony Xperia Z3 දුරකථනයේ සිට ලැබුණු අත්දැකීම නවමු මගකට යොමුවනු නොඅනුමානයි. මෙහි OmniBalance සැලැස්ම, ජලය කාන්දු නොවන නිමැවුම, fingerprint sensors හා Snapdragon 810 processorය, 3GB RAM ධාරිතාව, 23MP කැමරාව හා microSD සහාය 200GBතෙක් ලබාදෙමින් හොඳ තරගයක් දෙනවා.

   5.     IPhone 7

IPhone මෙවර අනෙකුත් තරගකරුවන්ට හොඳ පහරක් වේවි. එය තාක්‍ෂණය දෙදරවන නවතම ආකාරයේ විශේෂාංග රැසක් ගෙන ඒමට නියමිතයි. මෙහි ඉහළ තත්වයේ projector එකක් අඩංගු කෙරෙන බැවින් presentation වලට හොඳ පහසුවක් වෙනවා. කාබනික ද්‍ර‍ව්‍යයන්ගෙන් නිමවූ බැටරියක්, Liquidmetal කවරයක්, අනතුරු වලින් දුරකථනය ආරක්‍ෂා කිරීමට පද්ධතියක්, quad-core processorය හා පසුපස20-MP iSight කැමරාව මෙහි අග්‍ර‍ගණ්‍ය ඉදිරිපත් කිරීම් වෙනවා.

2016 Smart Phone අනාවැකි අනුව smartphone නිෂ්පාදකයන්ට හා පරිශීලකයන්ට අගනා වසරක් වෙනවා. ඒ අනුව නවතම විශේෂාංග සමග තාක්‍ෂණික පෙරැලියක් මීළග වසරේදීද ලැබෙන බව සිතීමත් සතුටක්.

වැඩි විස්තර සඳහා Alphr වෙත පිවිසෙන්න.